كن مع الله وأترك هذا العالم

0

كن مع الله وأترك هذا العالم

بقلم الكاتبة: أسماء أشرف

نصائح وكلمات بسيطة لكي نعيش في سلام داخلي وحياة أفضل.

  • حاول تفوز برضا الله عنك:

 لا سعادة ولا راحة ولا فرح إلا برضا وحب الله لك فالمسلم وربه يتواصلوا معاً بالصلاة والذكر والدعاء والقرآن، الصلاة هي أفضل سبب للسعادة والراحة فى الدنيا والآخرة، الحياة ما هي إلا أيام بنعيشها عشان نفوز بالآخرة ونلقي الله بكل خير وحب.

كل حاجة عايزها خدها بالصلاة وإذا لم تحصل عليها فى الدنيا سوف تأخذها فى الحياة الأبدية «الآخرة» .

  • كن صبور كن مع الله:

الحاجة اللي أنت خسرتها أو ضاعت منك أو مكنش ليك نصيب فيها أو مشيت بعيد عنك، لو كانت خير لك ولك نصيب فيها كانت استمرت، لأن مفيش حاجة من نصيبك هتروح لغيرك ولا حاجة لغيرك هتاخدها، أفهم الدنيا صح وبلاش زعل أو قلقل على حاجات ملناش دخل فيها، كله قدر ونصيب بس الأهم أنك تفضل تسعي فى الحياة وتعمل حتي أكبر نجاح إلي أن يعوضك الله خير عن ما أخذه منك.

  • فكر من جديد وكن مع الله:

فكر صح وخلي كل حاجة لوقتها وبلاش التفكير الزائد عن الحد وبلاش تتخيل حاجات خيال مش موجودة في الواقع كن شخص واقعي ولا تخاف من الناس أنت قد كل الصعاب.

  • لا تنظر للخلف وتوكل على الله:

 متخليش حد ينتظر منك الرجوع لأن كرامتك وعزة نفسك فوق الجميع، ولا ترجع للخلف مرة أخرى لأن كل ما هو صادق يستمر والباقي ينتهي، وسيبك من الناس وخليك واثق فى ربنا وواثق فى احساسك لأن دول الي هيخلوك تمشي صح وتكون سعيد .

  • كن مع الله تكن عظيماً:

كن واثق فى ربنا وشوف أي هو سبب تعاستك الحقيقي وحاول أنك تغير الحاجات إلا بتخليك حزين وتعيس، وفكر من جديد فى كل حاجة عشان تعرف السبب وتعالجه.

فكر قبل كل فعل وقول وخلي كل حاجة علي الله وكله هيتحل بإذن الله.

قرب من ربنا كويس و كل حاجة جميلة هتكون حواليك وبالثقة فى الله والصبر والدعاء كل حاجة هتتحل أكيد.

  • الخير قادم من عند الله:

 لكل إنسان عاش مهموماً وحزين لا تدرى ماذا يخفي لك الله من فرح الذى لن تحصل علية إلا إذا كنت حامد وشاكر الله وصابر على البلاء.

الفرج يأتي على قدر صبرك وتحملك للصعاب والبلاء، كن على يقين أن النهاية أفضل والعوض عظيم من رب العالمين على كل شيء حدث لك ولم تكن تريده أن يحدث لأن الخير فيما اختاره الله.

  • كن مع الله وخليك محبوب:

 خليك محبوب وعلي طبيعتك مع نفسك ومع الناس وعامل الكل باحترام وثقتك تكون محدودة مع الكل وساعد الكل بحدود وليس على حساب تعبك وخلي حياتك الشخصية والأسرية بينك وبين أهلك بلاش الناس كلها تعرف كل حاجة عن حياتك وبلاش نكون كتاب مفتوح للجميع وبلاش حقد وحسد لأي حد وكل حاجة نصيب ورزق من الله.

«كن مع الله وأترك هذا العالم»

«كن أنت وعيش حياتك وحارب وغير من نفسك لتكون عظيماً»

Leave A Reply

Your email address will not be published.