الفنانة فاطمه عامر ابنة مركز الغنايم

0

الفنانة فاطمه عامر ابنة مركز الغنايم

الفن والتميز من قلب الصعيد، الذى اعطى ومازال يعطى ويقدم للعالم اجمع المتميزين فى كل المجالات على مر العصور يخرجهم الصعيد، فمازالت بطون الصعيد ولادة بالعباقرة والمتميزون دائما.

من قلب الصعيد وتحديدا مدينة الغنايم بمحافظه اسيوط، فنانة تشق طريقها فى الرسم المتميز املاً فى الوصول الى هدفها ويصل فنها للجميع

الفنانة فاطمه عامر

ابنة مركز الغنايم، ذات 19 عام، مؤهل متوسط.

أولا انا كنت برسم عادى من وانا صغيره زي اى طفل بيرسم، كان حلمى انى ادخل كليه تجاره وعملت المعادلة وما حصلش نصيب، وفى وقت فراغي كنت برسم وبدأت اكتشف موهبتي الى هيا وراثه من بابا وانا عندي 16 سنه، الى هو محدش علمني ولا ساعدني انى اطور من رسمي، انا لوحدي بقيت اجيب صور من على الموبايل وارسمها.

واعترفت على الرسم بالفحم والادوات عن طريق الانترنت وطورت من رسمي بنفسي.

العقبات الى وأجهتني والى مازالت الي الان هي انى مش قادره اوصل لمسابقات، لان أولاً ما فيش دعم فى قريتي بخصوص الرسم.

وثانيا ما فيش دعم من اسرتى، اه الكل بيشجعنى لاكن لو انا عايزه اعمل معرض او فى مسابقات برا انا عايزه اشارك فيها، الاقى كلام سلبى الى هو انتى بتتعبى نفسك علي الفاضي ومافيش مقابل لتعبك، فانا اتحطمت طموحاتي وأحلامي بخصوص الرسم.

بقيت برسم واشيل رسوماتي فى البيت..

انا شاركت فى معرض كان اجتماع عن كرفان البيئة والتغير المناخي فى مركز الغنايم.

انا نفسي تفكير الناس بالنسبة ان البنت ما لهاش انها تخرج وتشارك، اتمنى الناس تبطل تفكر بالشكل دا نفسى الاقى الدعم من الى حواليا عشان لوحدي مش هوصل لحلمى، نفسى ابقى فنانة معروفه واستكمل تنميه الموهبة عشان اوصلها لكل الناس.

دي الأمنية بتاعتى واتمنى من ربنا التوفيق فيها.

اللهم وفقنا اجمعين الى ما فيه الخير لنا جميعأ يارب العالمين.

رسم واعمال الفنانة فاطمه عامر

الفنانة فاطمه عامر

الفنانة فاطمه عامر

Leave A Reply

Your email address will not be published.