الإنتحار

الإنتحار

بقلم: صفوه محمد

ضغوط الحياه كتير جداً من مشاكل لضغط نفسي ودراسي للوحدة، حاجات كتير أوي بقي بسببها كتير مننا بيكره حياته ومبقاش يستحمل يعيش فيها تاني أكتر من كدا، فمش بيلاقي قدامه غير حل واحد بس (الإنتحار)، الأول كان الموضوع صعب جداً بس دلوقتي وللأسف مبقاش فيه أسهل منه، سواء كانت مشاكل كتير أو سبب صغير زعلنا عشانه، وبما أن الموضوع زاد بشكل ملحوظ اليومين دول قررت أتكلم وأقول رأيي ورأي الدين وأي حكم الإنت.حار بكل أسبابه

_رأيي: الإنت.حار ما هو إلا تعذيب للنفس، سواء كان إن أي طريقه هتحاول بيها الأنتحار هتبقي ألم وعذاب، وكمان متنساش أنك هتبقي خسرت دنيتك وأخرتك، يعني الناس اللي بتفكر أنها كدا هترتاح وتبقي كويسه ده مش صح، أنت هربت من أختبار صغير في الدنيا وربنا كان هييسر لك أحوالك وقتها عشان تقابل أختبار اصعب ومظنش في حد هيقدر يحله.

_رأيي الدين: أتفقنا أن الأنت.حار حرام لا خلاف في ذلك طبعاً، ودة بسبب لما ثبت في كتاب الله، وسنة النبي صلى الله عليه وآلة وسلم، وإجماع المسلمين، قال الله تعالى: «وَلَا تَقْتُلُوا أَنْفُسَكُمْ إِنَّ اللهَ كَانَ بِكُمْ رَحِيمًا» (النساء: 29)، يعني تخيل ربنا بيقول أنا أرحم بكم من كل شيء وأحنا برضوا بنخرج من رحمه الله، ربنا أمرنا وقال سبحانه وتعالي لا تقتلوا أنفسكم نهي صريح لا جدال فيه وأحنا برضوا بننتحر ونقتل أنفسنا!

وقال النبي صلى الله عليه وآلة وسلم: «وَمَنْ قَتَلَ نَفْسَهُ بِشَيْءٍ عُذِّبَ بِهِ يَوْمَ الْقِيَامَةِ» متفق عليه.

مكنتش متخيل الحجم ده من الذنب مش كدا! شوفت أنك هتخرج من أختبار صغير لعذاب شديد جداً!

_ الإنت.حار عمره ما كان حل لأي مشكله أو ضيق، الأنتحار حرام ونهي الأسلام عنه، بلاش تضيع حياتك وأخرتك في أنك تنتحر أصبر وربنا هييسر لك كل صعب وهتعيش، حبوا حياتكم زي ما هي ده لولا وجود الحزن مكناش هنعرف طعم الفرح أي، المشاكل هتتحل والضيق هيروح بس لازم نخلي عندنا إيمان ونثق في الله وبس