قصيدة بعنوان “ارجعي 2″

0

قصيدة بعنوان “ارجعي 2″

بقلم: دنيا عايد ابراهيم

ليه بعدتِ وبعتِ؟

وأنا كنت ليكِ شاري

ولازالت..

علىٰ كل اللي بينا باقي

ولحُبك جاري

وللنهاردة مستنيكِ لأجل تخطيطنا

مع بعض لمستقبلنا

الجاي، وعمرنا الباقي

لسا مستني رسالة مِنك ترد فراقنا

وتفرحني بلقاكِ

بروح واجي

علىٰ رنة الموبايل كأنك أنتِ

أنا امبارح كنت لسا باكي

لما أصبحتِ من معايا لـكُنتِ

ولما شوفت صورنا

قبل ما الفراق يحاصرنا

وقبل ما تبيعي، وتقولي ده نيصيبنا

لسا شايفك في الشوارع

وشايف الكل بـتفاصيل شكلك

لسا بحل مشاكلك

شكلك كنتِ ناوية

من زمان علىٰ فراقنا

أنا لسا سامع صوت

غُنانا، وضحكنا، ومشينا

وكلامنا بالساعات

شايفك أم ليا وللاولاد

لسا شايفك علىٰ سلم بيتنا

عديتِ ولا أكني هناك

محيتِ من قلبك غرامي، وكلامي

اللي مبيخلصش فيكِ؟!

أنت حتىٰ نسيتِ!

تقوليلي أنهي لون

قصيدة بعنوان “ارجعي 2″

تحبيه نعمل بيه شقتنا؟!

السنين اللي عشتهم ليكِ

راحوا فين وحبنا؟

قسيتِ ليه، وبعدتِ بدون عناوين

أو حتىٰ جملة؟

أكتر حاجة وجعاني أثناء الفراق

عدم وضوح أسباب البُعاد!

ليه معملتيش لقلبي حساب

لما قررتِ تتصلي قبل معاد

لقانا بساعات

وتقولي معنتش عايزاك

أنا عملت أي؟!

يستاهل الجفىٰ، والقسىٰ منك!!

ارجعي عاتبيني وبلاش عناد

في بُعدك الحزن بيحاصرني

علقتيني بيكِ جدًا

كنتِ ومازلتِ

ليا الوطن

فَـ لسا مستنيكِ لآخر العمر.

Source قصيدة بعنوان “ارجعي” قصيدة بعنوان “عشان أنتِ غالية”
Leave A Reply

Your email address will not be published.