أنا الـحــاوي
بقلم محمد ابراهيم
تعـالى قـرب يـاولا
وخلينا نلعب بالورق
يرجع جنيهنا اللي اتنشل
ونشعللوها شعلاله
دنيا العجايب ياولا
هات العيال با أبو العيال
وبص شوف سحر الخيال
تعالي شوفي يا مدام
ألعب بالبيضة والحجر
واسحر عيون اللي حضر
العاب ماتخطر ع البشر
شخللي جيبك شخلله
جلجل جلاجل يا ولا
أنا الشيطان الألعوبان
انا اقدر العب بالمكان
والمستخبي اوام ويبان
إظهر عليك كل الأمان
بدون دجل ولاشعوذا
تعالى بص ياولا
أحط إيدي في الجيوب
وأقول علي كل العيوب
الحبل يمشي علي الحيطان
تعبان ياعالم من شيطان
واعرف حياتك من زمان
وأعملها حلقة مسلسلة
قرب وبص ياولا
انا الحاوي أبو التفانين
أسرق كحلك كدا م العين
واعرف بيتك وساكن فين
صنايعي حالتي متبهدلة
ف دنيا حلها مكعبله
تعالي شوفنى ياولا
علشان نحل المسأله
ما تيالاه قرب ياولا
أنا الـحــاوي
بقلم محمد ابراهيم