فى قلوبنا ما لايحكى
بقلم محمد ابراهيم
ـ وفى صمتنا مالاينطق
ـ وعـاوزنـي ادور عـلـى بـكـره
ـ وأنا لسه هادور على بكره
ـ طب رجعولي الناس بتوع امبارح
ـ وجايين ماسكين قال ف الذكري
ـ وطالبين م القلب انه يسامح
ـ طب مين ل دموعنا رسم منديل
ـ يمسح لو كدب دموع الليل
ـ ويطبطب ع الاوجاع بضمير
ـ مع أول هزه ريح سابوا
ـ وحطوا المسافات وسنين غابوا
ـ بعد اما بنينا الصبر بيوت
ـ ورسمنا خيوط لسنين للفرح
ـ جايين عايزين م الماضي ساعات
ـ فاكرين الدنيا هتديهم
ـ واننا ما نصدق نلقاهم
ـ نكسر علشان عينهم مسافات
ـ ياما خطي القلب كتير ع النار
ـ صحبتكوا مرار بتزيد اوجاع
ـ ماالبيعة إللي اتباعت في مزاد
ـ مش سهل تكون في ايديك تاني
ـ وبلاش ترجع تبكيلنا دموع
ـ وتكون مجني عليه مش جاني
ـ حواديتك مش هتبللي ريق
ـ ولا عمرك تبقي صديق في طريق
ـ ولا مره لقلبي تكون غالي
ـ دي عنيا خلاص ما بقتش تشوفك غير كداب
ـ لو ألف عتاب
ـ مش هترجع ميه لمجاريها
ـ ولا دنيا هتقدر تماشيها
ـ يا ابو قلب مريض
ـ هتلف تلف وترجع مستني اسامحك
ـ ما أنا دايما بستحمل جرحك
ـ لكن أنت مريض
ـ بتساوم قلبي علي غلاوتك
ـ وفاكر هتدوم
ـ كات دامت للاموات قبليك
ـ اه والله نسيت
ـ انك ميت ضمن الاموات
ـ والميت لو يرجع تاني
ـ في قيامة لازم تقوم