أكبر غلطة في حياتي

0

أكبر غلطة في حياتي

بقلم – دنيا عايد ابراهيم

أكبر غلطة في حياتي
الشاعره دنيا عايد ابراهيم

أكبر غلطة في حياتي

وأنا في بعدك

 بطلت كل عاداتي السيئة

ووشي رجع نور من تاني

وعرفت أكون أقوى سيدة

كأنك كنت قفص

وفي وجوده متقيدة

في أيدك مجرد لعبة

 معظم وقتها مرمية

مستنية..

 من عظمتك تكلمني

 وترضا عليا

كنت شخصية معارضة

 مالك كل دنيتي

متلبسيش ده مش عاجبني

ومتخرجيش

عشان مزاجي مش جايبني

ومدام طلبت معايا نتكلم دلوقت يبقي تتكلمي

ياما أنتِ مش بتحبيني ومش عايزة تكملي

وأوامرك اقبلها غصبًا عني

وكلامك أرد عليه زي ما يرضيك

 ومش مهم أنا عايزة أقول إيه

 عادي ماجتش علىٰ دي يعني!

واخطائك تقلبها عليا وتقولي اعتذري!

وحتي في عتابي مكنتش بتحاول تسمعني!

كَ حتى جبر خاطر يعني

أو مقابل صغير لحبي

مش أكتر وربي

أكبر غلطة في حياتي

كنت متمرد جدًا على قلبي

حياتك كانت لعندي وخط أحمر

ومقارنة بأصغر حاجه فيها هتبيعني

 وتقولي: اوعي !! تقربي

 أنا طبعي بحب الخصوصية

وأنت مقتحم حياتي بلا إرادية مني

أنا في بعدك حياتي رجعتلي

وكأن فِي قربك طيف أسود دايمًا ساجني

ومش عارفة منه أهرب تقديرًا لحبي

اخدتني لإعجابك عابدة

 ومنفذة لأوامرك وعجزتني

عن إني أصرخ

 من العلامات اللي في جسمي

من كرباج كلامك اللي يبكتني

“انتِ فاشلة، وعمرك ما هتنجحي”

“عمرك ما هتتغيري”

“ولا أنك تكوني..!”

كنت اقسى من أنك تجبرني

وأنا مكسورة منك

كانت عادتك

لما تلاقيني مبسوطة تنكدني

ولو زعلانة اتفلق وتسيبني

 من عمايا وحبي

 ابكت صراخ نفسي

 قدام مرايتك

 ونسيت نفسي

وصرت جارية لكل هواياتك

ما كنوش يومين تلاته

ولا كام شهر أو أقل!

كانوا سنين وشماتة

الكل قالي ده سيء جدًا

  وبصي للأحسن

ده مينفعكيش

والبعد عنه يُستحسن

وأنا قاوحتهم نظرًا لعمايا

ملعون قلبي اللي حبك واتزل ورايا

صرت في عنيا بشع وممل

وبوصلك إني عرفت أنجح

من بعدك وعرفت أكمل

وجودك كان ماشي بمبدأ

 اكسر للبنت ضلع يطلعلها عشرة

ورغم من أني قوية

كان زماني رماد ممنهوش منفعة

لو ينفع نرجع..

 أنا موافقة !

 بس أخلص كل كسرة

واكوي قلبك بحساب كل دمعة

كنت أنت فيها السبب

بالرغم من أني ندمانة على حبي ليك

 بس اتعلمت الدرس وطلعت بمنفعة

علمني أن قربك سجن

 وإن بعدك جنة

وإني وأنا بعيدة كويسه وفل

وأنك من غيري ولا تسوى ومطفي

ومنبوز من الكل

 كنت بتسلب نورك مني

 وتروي روحك قوة من اصوات كذابة وقاسية على ضعفي

عرفت دلوقت مين ست الكل؟

عرفت متأخر..

صار قلبي متفاخر

وهو بيتفرج

على خطواتك بدونه بتزل

كنت في أيدك جوهرة

وأنت خسرتها للأبد..

فن

مقالات

Leave A Reply

Your email address will not be published.