قصيدة بعنوان “عشان أنتِ غالية”

0

قصيدة بعنوان “عشان أنتِ غالية”

بقلم: دنيا عايد إبراهيم

بقلم: دنيا عايد إبراهيم
الشاعرة والكاتبة – دنيا عايد إبراهيم

لما تختاري شخص يشاركك في حياتك

مدوريش على اللي بيلبس حلو

وبيتصور حلو

وعنده وعنده(مادي)

و بعدين تتجوزوا

تفتكري هتكملوا؟؟

لأنك هتكوني حبيتِ المظهر

و كلنا مش كاملين

و الباقي أكيد هيظهر

لكن في وقت متأخر

بعد ما تكوني اختارتِ

وقلبك اتعلق بالشكل الجميل

قبل ما تفكري أن محدش غيرك هيشيل

إن مكنتيش حاسة بنقص بلاش تفكري ترتبطي..

ايًا أن كان النقص لما تيجي تدوري

دوري على شخص يملأه

و تكملوا بعض

مش شخص العين بس تهواه

و يلازمكم البُعد!

أصعب شيء يتغير هو ‘الإنسان’

حتى لو بيحبك موت

التغير صعب جدًا

شبه القيام للإنسان بعد الموت

اختاري اللي يشوفك كل حاجة ليه

و اللي لما تغلطي و تندمي تجري عليه

من غير ما تخافي

و ولا مرة يغيب و يكون جافي

 بالعكس على طول تلاقيه

و يمشيلك بلاد حافي

اللي بيعاتب بحب و ميعرفش عليكِ بنات

و قلبه نضيف و بيكِ راضي

  في اسوء الحالات

اختاري اللي يشاركك في كل الحاجات

و خليكِ غالية مهما أن قالوا الوقت فات

الإختيار ده قادر يعيشك في أحلى حياة

و قادر كمان يتعسك للممات

و بالنسبة للناس فَـجورج وسوف قال “كلام الناس لا بيقدم و لا يأخر”

مدام أنتِ كويسة و زي السكر

ليه تقعي و محدش يسمي عليكِ

و لأنك لما تختاري الغلط

‘محدش هيشيل معاكِ’

و أبسط ما هيتقال ده القدر

و ربنا يعونك عليه و يكون معاكِ

لكن بعد فوات الأوان كل ده كلام هبء

فَاختاري صح يا ست البنات

قصيدة بعنوان “عشان أنتِ غالية”

أقــراء أيــضاً

قصيدة بعنوان – ألام الفراق

قصيدة شعرية “مجرد فترات”

فن

مقالات

Leave A Reply

Your email address will not be published.