قصيدة بعنوان – ألام الفراق

2

قصيدة بعنوان – ألام الفراق

بقلم: منه كامل

خلاص ماشي وسايب الذكريات خلاص هتمشي وبتقول ان الحنين مات وشلتك من الحسابات

نويت تمشي وتبعد وتفارق نويت بقي وبتقول مش فارق دي حتي كلمة سلام مستخصرها فيا

لا والله شكرا انك وفيت بوعودك ليا وفعلا خلتني اسعد انسانه

أنت مفكر ان كده هكون فرحانه من غيرك….

من غير مالمح طيفك قدامي من غير ماتشجعني

وتحسسني بقمتي وكايني

طب اذي عايزني احقق احلامي وافرحك بيا

طيب ماتسبنيش وأنا هخليك فخور بيا وتلقي نجاحي على كل لسان

بس صدقني أنت لو سبتني عمري ما هحس بالامان وإحتمال تلقي صورتي وانت بتقري الجرنان

فتاة تنتحر بسبب شاب كان معاها في كل خطوه في حياتها وفي الاخر سبها حتي من غير ما يقول سلام

متسبنيش وخليك معايا ذي ما وعدتني زمان وقولتلي

مش هتسبني مهما كان

طب ليه دلوقتي بتقول

نويت على البعاد وانا أسف

ومش هنكمل وبلاش عتاب

وخلاص أنا مش فاكر حاجه من اللي فات….

واكيد مع الايام هتنسيني

بس تبقي غلطان لو فاكرني هنساك لو اللي فات انعاد

واللي جاي طال هتفضل

في خيالي ومصاحب تفكيري وفي بالي مهما

مرت ايام او سنوات حتي لو كنت مع حد تاني هتفضل

صورتك في خيالي ليوم المعاد…….

بس أنا عايزة منك حاجه بحق ايامنا اللي مش هتنعاد

تفضل فاكر حاجه من الذكريات

ومتقولش حاجه عني تجرحني حتي لو انا مش معاك بس أنت عارف الفرق

مابيني وبينك إيه….؟؟

إني عمري ما هقول عليك ذكريات او انسي حاجه من اللي فات

وأنا قولتلك من يوم لقانا اني عايزه اكمل حياتي معاك وبما اننا مكملناش فانا هكمل لوحدي أنا والذكريات

بس غالبآ بعد فرقنا هتترحم عليا وهكون من الاموات

بس اهم حاجه تفضل فاكرني  وفاكر إني كنت صايناك وجنبك في كل الأوقات

وأنت إللي في الأخر بعد اخلاصي وحبي الكبير ليك جيت وطلبت البعاد….

وسبتني وحيده ولأول مرة مش هتلاقيني معاك

وأن كان فرقنا هيفرحك فأنا

ماشيه بس قبل ما أمشي عايزة اقولك إني مش هنساك

ولو ذكرياتنا قدرت تنسها فأنا برضو هبعد بس وأنا فاكرها ..

وفكرة كل لحظة عشتها وأنا وياك

وبرضو هفتكر قلبي اللي كسرته دلوقتي

ودي هتبقي آخر ذكرياتي معاك

ولو في يوم حنيت أوعدك إني مش هرجعلك عارف ليه..؟

عشان أنت كسرتني وطلبت البعاد….

قصيدة بعنوان – ألام الفراق

فن

2 Comments
  1. Reham says

    جامده جدا بالتوفيق

  2. Reham says

    اجمل منه جميله جدا كالعاده

Leave A Reply

Your email address will not be published.