دنيا عايد تكتب قصيدة “صوت فقير”

0

دنيا عايد تكتب قصيدة “صوت فقير”

“صوت فقير”

أنا ايوة الفقير
لكن فقري بس مادي
و يدوب كل حاجة ضدي
أنا عندي أمانة و مخافة لربي

أنا اللي بحارب على فتافيت تكون كل اكلي
و أنا اللي بت الليل بطوله
اعيط بصوت واطي
عشان محدش يسمعني
و قلبي يوجعني
بكيت عشان معنتش هشوف تاني اصحاب مدرستي

أهلي معهمش يدفعوا مصاريفها
طيب هيعملوا إيه ؟

أنا اللي لما تعبت سهرت امي تعيط جنبي
وتدعي ربنا أخف و التعب يعدي
و منين تمن الكشف و العلاج؟ اللي أسعاره مش ودي
ده لو عايزيني اخف يعني..


عايزة تسمعي إيه ولا إيه عني
أنا الفقير ماديًا
إيه؟ الفرق بيني و بين الغني؟
اقولك انا الفرق!
هو بياكل اكل نضيف و أنا مش بلاقي
مش بلاقي الأكل إلا بطلوع الروح
هو بيروح مدارس خاصة بلبس نضيف
و أنا اللي لو عافرت بتيشرتي المقطع
“من غير واسطة مش هعدي”

هو نام مرتاح البال و سط أهله
و أنا نمت بعيط و بات قلبي بقره
على عياط امي و حيرة أبويا

أنا اللي كبرت ٢٠ سنة عن عمري
لأجل اسدد معيشتي بالشغل
و مموتش من الجوع و السل

أنا الفقير..

بحس كتير
انكم بتنسونا

إحنا ..
اللي عايشين في عشش
او مش عايشين يعتبر
إحنا بنموت الف مرة
منهم لما نشوف الكبار
حابة تتاجر في ارواحنا
ولا محبتكهم لفضحنا و عرينا
في فيلم بيجسد فقرنا
بحجة أن صوتنا هيوصل
بس انتوا كدابين!

انتوا فاهمينا إزاي؟
شايفين الفقر ازاي
انتوا حاسين بينا؟
إحنا مش وحشين
إحنا بس مش لاقيين
“الامان”
املنا في اربع حيطان يكونوا لينا الإسكان

املنا بس في حياة كريمة
مش في أراضي و قصور
و شهرة في سيما
إحنا ابسط من كدة
إحنا اللي هنموت لو اتنسينا ..

بقلم: دنيا عايد إبراهيم
دنيا عايد تكتب قصيدة “صوت فقير


إقرأ ايضا

نقصني ايه؟؟

قصيدة شعرية “مجرد فترات”

Leave A Reply

Your email address will not be published.