نوران مجدي موهبة تصوير لن تتكرر

1

نوران مجدي موهبة تصوير لن تتكرر

كتبت: ناهد علي

حينما تبدع الطبيعة  تكن  نوران صديقتها فهي عاشقة  للكاميرا للتفاصيل لكل ما يبرز جمال الكون وملامح الوطن أمام العيون.

سنتحدث اليوم مع ابنة القليوبية، فتاة تتحدى الصعاب لتثبت وجودها وتحفر اسمها بحروف من نور لتضي كل معتم  وتبرز كل جمال بطريقتها الخاصة.

عرفينا باسمك ودراستك وبلدك؟

الاسم: نوران مجدى محمد سليمان الحويطى

الكلية: فى الفرقة الثانية قسم الديكور والعمارة الداخلية بأكاديمية اكتوبر للفن والتصميم

العنوان: من عرب صبيح بشبين القناطر بالقليوبية

السن: سنى 19 سنه 

متى ظهرت الموهبة وحب التصوير عند نوران ومن الداعمين لها ؟

من أول سنه كليه يعنى فى الفرقة الإعدادية كانت الكلية بتعلمنا تصوير فى مادة فوتوغرافيا وتكنولوجيا تخصصات وكنت بنزل الورش مع صحابي فى الإجازة وانا مش مضطرة انزلها لا نها لطلبة جرافك وانا ديكور لاكن هي كانت شغف

بالإضافة الى دكتورتين فى الكلية كانوا من اشد الداعمات ليا الدكتورة منى العيسوي وهى الى حببتني بروحها الجميلة فى التصوير لا نها دايما كانت شيفاني مميزه رغما عن الجميع وكان كل الدفعة بتعمل مشروع وانا باخد مشروع تاني مثلا لان فكرتي بتكون دايما مميزه ودكتورة نهله شعبان طبعا دي من اكتر الداعمين ليا فى الكلية فى أي حاجه بعملها وهم من اكتر المؤمنين بموهبتي.

عشق نوران للتصوير إلى أين يأخذها؟

تصوير نوران مجدى محمد سليمان الحويطى

نفسى اقدر من خلال تصويري انقل صور الفرحة والسلام صور جمال بلادنا واد ايه واخدين عننا افكار غلط  وكمان نفسى ان اخد فرصتى فى المشاركة والفوز فى المعارض على مستوى العالم.

هل ترى نوران أنها حققت جزء من أحلامها؟

برغم من سنى الصغير الا انى قدرت اصور ما لا يقل عن الف صوره كل واحده منها لوحه فنيه بوحى إلاهي خاص وطابع مختلف ومميز عن الاخرى وقدرت اخد الحزام الاسود كاراتيه وصنعت ما يزيد عن ميت لوحه مرسومه يدويا بمختلف الخامات من الوان الجواش والا كوريل والسوفت باستل والفحم والزيت وغيرو…. الكثير إلى جانب  تحضير دبلومه فى الديكور عباره عن اوتوكاد وثرى دي ماكس وفوتوشوب معماري وتشطيبات وديكور ومهارات تسويق وغيرو….

صور نوران مجدى محمد سليمان الحويطى

نوران مجدي موهبة تصوير لن تتكرر

هل دراستك ساعدتك فى إبراز تلك الموهبة؟

التصوير هو عباره عن شغف حاجه بستمتع بيها هو اكيد ساعدني فى انى بقدر احدد الزوايا المناسبة لتصوير المشروع والماكتات وازاى اقدر اظبط الاضاءات وازاى اتلاعب بيها  وان الصورة او الحاجه الى بعملها ولو بسيطة مثلا زي ماكت اقدر اظهر نقاط القوه فيها واخفى العيوب.

سمعت أن نوران عاشقة للرياضة وخصوصا لعبة الكاراتيه كيف اجتمع داخلك العنف والجمال فى وقت واحد ؟

أنا  حاصله على الحزام الاسود ون دان  وكمان بساعد فى تدريب الاطفال وخاصتا البنات علشان يكونوا مثل اعلى ويكون واثقين من نفسهم ويتمكنوا من الدفاع عنها

الرياضة عمرها ما كانت عنف ابدأنا حاصله على الحزام الاسود ون دان  وكمان بساعد فى تدريب الاطفال وخاصتا البنات علشان يكونوا مثل اعلى ويكون واثقين من نفسهم ويتمكنوا من الدفاع عنها، هي بتقوى الجسم والعقل والفكر ونقاء وتصفيه للروح وبتدى ثقه فى النفس بتظهر فى الاختيار الجرئ للتصميم واللون وبما انى بنت فإحساسي ساعدني كتير انى اقدر اوفق بين الرياضة والعمل الفني

بل هي ساعات بتخرجنى من حالاتي العصبية وتوتري وبتفرغ الطاقة السلبية دي بحيث ارجع تاني لحالة الهدوء والصبر الى أي لوحه مبتكملش ولا بتتعمل غير بيهم يعنى الرياضة هي الى ساعدتني فى أبداعي الفني.

ما العقبات التي  تقف أمامك فى تحقيق حلمك؟ وكيف استطاعتي تجاوزها ؟

الكاراتيه كمية الاحباطات الى شوفتها حرفيا من الناس حوليا من انتي بنت ازاى تتنططى قدام الناس  دا مش للبنات شوفيلك لعبة بنات العبيها واحنا فى مجتمع ريفي وعيب…. وهكذا لكن برغم الصد الى سمعتوا من المجتمع بره الا ان اهلى وخاصتا ماما  وبابا رحمة الله لأنه كان دكتور وبطل كونغ فو

وأخواتي هم اكبر الداعمين ليا وعمرهم ولا هما ولا اهلى قالولى ان ابطل بل بالعكس ماما كانت دايما فى ظهري وهى الى اتحملت مسؤوليتنا بعد بابا الله يرحمه كمان بيتنا كلو رياضي انا امنيه فى الحزام البنى واسراء فى الازرق وولاد عمى كلهم معاهم احزمه بس انا الى كملت وهكمل بأذن الله، فبجد شكرا لأنى انا فى بيت متفتح وبيشجعنى.

نوران فى نهاية الحوار معك نفسك تحققي اي؟

نفسى اقدر من خلال تصويري انقل صور الفرحة والسلام صور جمال بلادنا وكمان نفسى اخد فرصتي فى المشاركة والفوز فى المعارض على مستوى العالم، وفى الكاراتيه بطمح لبطولة العالم بأذن الله.

دائما وابدا الحلم لا يتوقف مدام السعي مستمر قريبا نرى لوحات نوران فى جميع المعارض ان شاء الله.

نتمنى من الله ان يوفقها في حياتها وتحقيق احلامها بأذن الله.

نوران مجدي موهبة تصوير لن تتكرر

تقرير وتحقيقات

اخبار

1 Comment
  1. Ahmedv says

    بسم الله ماشاء الله حاجه تدعو للفخر الحقيقة إن يكون عندنا نماذج زي نوران

Leave A Reply

Your email address will not be published.