أحمد طه حلم المستقبل من قلب الصعيد

0

أحمد طه حلم المستقبل من قلب الصعيد

كتبت ناهد علي

الجميع يعلم أن الصعيد  زاخر بالعباقرة والمواهب الشابة ذات الطموح الجاد الذي تسعي لتحويله من مجرد حلم إلى حقيقة فوق أرض الواقع من هؤلاء الشباب

ومن قرى محافظة أسيوط قرية دير شو مركز ابنوب، خرج أحمد طه شاب الواحد وعشرين ليعلن للجميع مدى حبه لتطوير بلاده وتطوير ذاته ويحقق من الاهداف مالم يبلغه شاب في عمره الا بالاجتهاد والعزيمة.

نبدأ في الحديث عن دراستك ؟

انا بدرس computer science حاليا بمؤسسة 6 اكتوبر هي سنتين لحد ما اخلص هيتم تحويلي بأذن لله  لكلية حسابات ومعلومات جامعة اسيوط

انا جرافيك ديزاين خبرة 3 سنين في مجال الجرافيك

نائب مسئول لجنة الجرافيك في فريق مراكز شباب مصر كيان وزارة الشباب والرياضة

مدرب جرافيك ديزاين في الوزارة.

هل الديزاين جرافيك بدا معاك كهواية ولا بسبب الدراسة ؟

طيب مبداياً نقول دي موهبة ودراسة في نفس الوقت لن الجرافيك ديزاين انا تعلمته من نفسي مخدتش كورس انا بدأت من نفسي من بيتي .. لن في كنز اسمه الانترنت لو الشخص استغله صح هيقدر يتعلم حاجات كتير وموضوع الجرافيك انا حبيته لما عملت القناة علي اليوتيوب .. وحققت نجاح علي السوشيال ميديا حبيت المجال وبدات اتعلمه والحمد لله اقدرت اتعلمه وأتقنه كويس.

ما اهم النتائج التي حققه أحمد طه في مجال هوايته؟

اهم انجازاتي انشاء Graphic Original Academy

ودي اكاديمية لتعليم وتأهيل الشباب لسوق العمل الحر وتعليم الجرافيك ديزاين حيث تهدف خطة البرنامج التعليمي لخطة مصر 2030

ما هدفك يا احمد من إنشاء البرنامج؟

برنامج جرافيك اوريجنال اكاديمي بداء معايا من كام شهر وهيتم اطلقه علي مستوي الجمهورية والبرنامج 3 مراحل ومستهدفين جميع المحافظات .. بس حاليا لسه بنعمل الانترفيو للمتدربين الي سجلوا في البرنامج … وهنبداء المرحلة الاولي حين انتهاء المقابلات الشخصية للي سجلوا

انا قبل ما ائسس البرنامج عملت شركة كان اسمها جرافيك اوريجنال ودي لشغل الجرافيك للعملاء يعني اعمل تصاميم للشركات والمنتجات .. بدأت معايا لما جمعت اصحابي في الدفعة وبدات اقترح عليهم الفكرة ومكنش عندهم فكرة عن الجرافيك خالص بس بدأت ابداء معهم بالتعليم اني اعلمهم بنفسي وبعد ما اعلمهم نشتغل مع بعض للعملاء بس لظروف مكملنش كاتيم بدأت في مسار جديد وهي الاكاديمي وهي تعليم الشباب الجرافيك والحمد لله حاليا مسجل في البرنامج ناس كتير علي مستوي الجمهورية.

أحمد كشاب صعيدي  ماهي الصعوبات التي واجهت موهبته؟

أحمد طه حلم المستقبل من قلب الصعيد
أحمد طه

الديزاين جرافيك مكنش مفهوم من قبل اهلي لن من تقليد الصعيد ان الشغل هو انك تخرج وتشتغل بره سواء اي شيء فلاح او عمل حرفي .. جانب الشغل التكنولوجي مش مفهوم في الصعيد

ولحد دلوقتي مش معترف بيه من قبل الأسر الصعيدة الي هو ازي وانت قاعد في البيت ممكن تجيب فلوس .. بس شغل الجرافيك ديزاين ده شغل مش سهل ومجهود ذهني كبير جدا .. بجانب المجهود البدني في مجهود ذهني وده اصعب بكتير من المجهود البدني ويمكن دي المشكلة الي قبلتني ان التوعية قليلة جدا.

ما أهمية الديزاين جرافيك للشباب؟

إني حاليا مجالات العمل اتغيرت بقي معظم العمل اون لاين للشركات والمنتجات والتسويق للمنتج عمره ما يتعمل من غير ديزاين حلو يخطف العين او فيديو تسويقي للمنتج .. معظم الشركات البيع الاون لاين والناس الي بتحب تسوق للمنتج بتعه علي السوشيال مديا بيحتاج الجرافيك ديزاين.

سمعنا عن حبك للعمل التطوعي فهل هذا صحيح؟

نعم احببت العمل التطوعي من ٢٠٢٠

وقمت بالانضمام إلى كثير من المؤسسات الخيرية منها ..

مؤسسة صناع الحياة .

مؤسسة راعي مصر.

عضو مبادرة تصدو معانا.

شاركت في حملة بالوعي مصر بتتغير للافضل ( حياة كريمة ).

حضرت منتدي شباب العالم كا حضور افتراضي.

في نهاية الحوار  ما الأهداف الذي تأمل لتحقيقه؟

عايز بجانب اني اكبر البرنامج ويبقي برنامج يستهدف من ضمن خطة مصر 2030 ونقدر نعلم شباب كتير المجال ده .. اني ابقي قيادي في الدولة اني ابقي في  منصب كبير في الدولة.

في النهاية بنشكر الجرافيك ديزاين أحمد طه ونتمنى تكون جميع الشباب طموح مثله ومحدد أهداف ليسع لتحقيقه فوق الأرض ونتمنى نعمل معه حوار تأني بعد نجاح البرنامج لا نه قدوة لكل شباب الصعيد.

أحمد طه حلم المستقبل من قلب الصعيد

Leave A Reply

Your email address will not be published.