قصيدة بعنوان “ارجعي”

0

قصيدة بعنوان “ارجعي”

بقلم: دنيا عايد ابراهيم

أنا بدونك شكلي بهتان

و قلبي وحيد بردان..

أنا لو كنت أعرف فين بيلاقوا النسيان

كان زمان حالي أحسن

انا اللي في بعدك

عيان و مش متحسن

وقلبي لأي شخص بطل يآمن

بقيت بنسى الكلام

بطلت أكلم حد

بطلت أنام

و السواد تحت عنيا احتلل و بأن

لسه بستناكِ في نفس المكان

و بطلب اتنين قهوة برضو

فاكرة زمان؟!

لما كنا سوا

و لا الشات

اللي لسه زي ما هو

محذفتش حاجة

لسه ريحتك

في قميصي من آخر مرة

لسا فاكر حضنك..

و أنا قلبي سامع دقات قلبك

نسيت أقولك!

القهوة في بعدك مرة

لساكِ ليا الدواء

وانتِ برضو الداء

رغم كل اللي صدر منك و وجعني

لسا مشاعر حبي ليكِ متغيرتش

عرفتي تظبطي الأداء

لدرجة اني متخيلش

و أقول ظني فيكِ مهيخبش

مشكلتني ..

إني حبيتك جدًا

و قدك محبتش

وحشتيني “

وحشني صوتك

كلامك

حنانك

سؤالك

و رغم كل اللي صدر منك

أنا لسه باقي و هبقالك

لسه بسالني

أي السبب في بُعادك

لو أنا الغلطان..

فـأنا يا ستي

أسف لجلالتك

و لو كان الغلط من عندك

فـأنا مسامحك

المهم!

ترجعي أنا لسه عايزك..

قصيدة بعنوان “ارجعي” بقلم: دنيا عايد ابراهيم

اقــرأ ايـضاً

قصيدة بعنوان” أصوات مش مسموعة” للشاعر مصطفى السباعى

قصيدة بعنوان «الأحباب والأغراب»

Leave A Reply

Your email address will not be published.